Sa totoo lang,mahirap kumita ng pera pero kung ikaw ay masipag at madiskarte sa buhay ay maaari mo itong kitain.

Alam natin na marami tayong magandang paraan na maaaring gawin upang kumita ng pera.

Alam mo kung ano ang mahirap? Mahirap ang magkaroon ng sobrang pera lalo na kung hindi tama ang paggastos ng pera.

May mga nagsasabi na kaya mahirap ang isang tao dahil pinili nila na hindi makaalpas sa sitwasyon na iyon, pero nakakalungkot lang isipin dahil kahit sila ay nag babanat naman ng buto ay hindi parin sila nakakaahon sa nakalulunos na sitwasyon na iyon.

Ano nga ba ang problema? Sila ba o ang lipunan na ginagalawan nila? 

Ayon sa nakolekta na datos ng Philippine Statistics Authority nitong Enero 2021, tumataya na apat na milyong Pilipino ang walang trabaho at ito ay mas mataas kaysa sa 3.8 milyon na walang trabaho noong Oktubre 2020 at 2.4 milyong datos noong Enero 2020 dahil na rin sa labis na epekto ng pandemya sa mga negosyo.

Ngayon, base sa mga numero na ito, masasabi natin na mas mahirap kumita ng sobrang pera na nagbibigay oportunidad sa isang indibidwal na makapag-ipon at mabawasan ang pinagkakautangan. 

Maraming dahilan kung bakit ka nahihirapan magkaroon ng sobrang pera at ito ang maaaring mga dahilan kung bakit…

1. Kulang ang oras mo para maghanap ng ibang source of income. Marahil pagod ka na sa trabaho mo na iisa at hindi rin naman sapat ang kinikita mo dito. 
2. Sobra ang bayarin mo sa kinikita mo. Ubos na ang sahod mo pero ang mga kailangan mong bayaran ay hindi pa rin nauubos. 
3. Nilalaan mo sa maling bagay ang iyong pera at hindi sa mga bagay kung saan pwede mo itong palaguin.